ခေတ်ကြီးက အမြဲတမ်း အထူးအဆန်းတွေ ပြည့်နှက်နေတယ်။ ဘယ်ခေတ် ဘယ်အချိန်မှာဖြစ်ဖြစ် အပြောင်းအလဲလေးတွေ ရှိနေတော့ အမြဲတမ်း အထူးအဆန်းတွေလို ဖြစ်နေတယ်။ ဟိုအရင်ခေတ်အခါတွေတုန်းကလဲ အခုခေတ်လိုပဲ အထူးအဆန်းတွေ ပေါ်ခဲ့ရှိခဲ့ကြမှာပါပဲ။ အတွေးအခေါ် သိပ္ပံပညာနဲ့ အရာအားလုံး ဆိုပါတော့။ တကယ်တော့ လည်ပတ်နေတဲ့ သံသရာသဘာဝရဲ့ မသိမသာ အပြောင်းအလဲလေးတွေပါ။ ဒါကြောင့်လဲ ရှေးဟောင်းပစ္စည်းအချို့ဟာ တန်ဖိုးပမာဏ မြင့်မားလာတတ်တာပေါ့။ ဒီလိုပါပဲ လောကနယ်ပယ်အတွင်းမှာ ရှိရှိသမျှ အရာအားလုံးရဲ့ တန်ဖိုးဟာ ပုံသေ မရှိလှပါဘူး။ တက်လိုက်ကျလိုက် ပေါ်လိုက်ပျောက်လိုက် မြင့်လိုက်နိမ့်လိုက်နဲ့။ တက်တဲ့အခိုက် ပေါ်တဲ့အခါ မြင့်တဲ့အချိန်တွေမှာ အထူးအဆန်းလို့ ထင်တတ်ကြတာ သတ္တ၀ါမျက်လုံးရဲ့ ကြည်လင်ပြတ်သားမှု အားနည်းခြင်းကြောင့် ဖြစ်မှာပါ။ ဓမ္မမျက်လုံး ရှိလာပြီဆိုရင် အဲဒီလူ အဲဒီသတ္တ၀ါအတွက် အထူးအဆန်းဆိုတာ ရှိမယ် မထင်ပါ။ အခု တင်ပြချင်တာလေးက အထူးအဆန်းကို နှစ်သက်သူတွေ အတွက် သီးသန့်လေးပါ။ နာမည်ကလည်း ထူးဆန်းတယ်၊ ကောင်လေးတွေက ခေါ်မယ်ဆိုရင် “ကောမာရဗြဟ္မစရိယ”၊ ကောင်မလေးတွေက ခေါ်မယ်ဆိုရင်တော့ “ကောမာရိဗြဟ္မစရိယ” တဲ့။
ပြောခဲ့တဲ့ နာမည်လေးက တခြားမဟုတ်ပါဘူး၊ အကျင့်တစ်ခု ဖြစ်ပါတယ်။ ကြားဖူးတဲ့သူတွေလည်း ရှိကြမှာပါ။ အခုခေတ်မှ ထွင်ပြီး ပေါ်လာတာ မဟုတ်ရပါဘူး။ ဟိုး…ဟို မရေမတွက်နိုင်လောက်တဲ့ နှစ်သန်းပေါင်းများစွာကတည်းက ရှိခဲ့ ပေါ်ခဲ့ပြီး ဖြစ်တဲ့ လူ့အကျင့် တစ်ခုပါ။ အကျင့်ဆိုတာ ဒီနေရာမှာ ပါဠိလို “သီလ” လို့ ခေါ်ကြပါစို့။ သီလဆိုတာကလည်း အလေ့အကျင့်ကို ပြောတာပါ။ ကိုယ်နှုတ်စိတ်တွေကို မကောင်းတဲ့ နယ်ပယ်ထဲ ရောက်မသွားအောင် ထိန်းသိမ်းတဲ့ အလေ့အကျင့်ကို ဆိုလိုပါတယ်။ သီလမှာလဲ အမျိုးအစားတွေ ခွဲခြားထားတာ ရှိပါတယ်။ အဲဒီ သီလတွေထဲက ငါးပါးသီလဆိုတာ ဗုဒ္ဓဘာသာဝင်တိုင်းလို သိကြ ဆောက်တည်ဖူးကြပါတယ်။ “(၁) ပါဏာတိပါတာ ဝေရမဏိ ….။ (၂) အဒိန္နာဒါနာ ဝေရမဏိ …။ (၃) ကာမေသုမိစ္ဆာစာရာ ဝေရမဏိ …။ (၄) မုသာဝါဒါ ဝေရမဏိ …။ (၅) သုရာမေရယမဇ္ဇပ္ပမာဒဋ္ဌာနာ ဝေရမဏိ … ” လို့ ဆိုပြီးတော့ ဆောက်တည်စောင့်ထိန်းမှုကို အလေ့အကျင့် လုပ်ခဲ့ကြတာ ပြောစရာတောင် လိုမယ်မထင်ဘူး။ ဒါပေမယ့် အဲဒီလို စောင့်ထိန်းတာက ရိုးရိုးလေးပါတဲ့။ ငါးပါးသီလကို အထူးအဆန်းလေး လုပ်ပြီး ဆောက်တည်မယ်ဆိုရင် အဲဒီငါးပါးသီလကို “ကောမာရဗြဟ္မစရိယ (သို့မဟုတ်) ကောမာရိဗြဟ္မစရိယ” လို့ ခေါ်ပါသတဲ့။ သိချင် ကျင့်ချင် စောင့်ထိန်းချင်သူများ မှတ်သားနိုင်ဖို့ရာ အစဉ်လေးနဲ့ ရေးပြပေးပါ့မယ်။
ကောမာရဗြဟ္မစရိယ/ကောမာရိဗြဟ္မစရိယ ခေါ် အထူးငါးပါးသီလ
အစဉ် (၁) မြတ်စွာဘုရားနှင့်ရဟန်းသာမဏေ တို့ထံ သီလတောင်းခံပုံ
အဟံ ဘန္တေ တိသရဏေန သဟ ကောမာရဗြဟ္မစရိယသီလံ/ကောမာရိဗြဟ္မစရိယသီလံ ဓမ္မံ ယာစာမိ၊ အနုဂ္ဂဟံ ကတွာ သီလံ ဒေထ မေ ဘန္တေ။
ဒုတိယမ္ပိ အဟံ ဘန္တေ………(တူ)။
တတိယမ္ပိ အဟံ ဘန္တေ ……..(တူ)။
အစဉ် (၂) ဘုရားရှိခိုး
နမော တဿ ဘဂ၀တော အရဟတော သမ္မာသမ္ဗုဒ္ဓဿ။ (သုံးကြိမ်)
အစဉ် (၃) သရဏဂုံ ခံယူပုံ
အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။
အဇ္ဇတဂ္ဂေ ပါဏုပေတံ ဓမ္မံ သရဏံ ဂစ္ဆာမိ။
အဇ္ဇတဂ္ဂေ ပါဏုပေတံ သံဃံ သရဏံ ဂစ္ဆာမိ။
ဒုတိယမ္ပိ အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။
ဒုတိယမ္ပိ အဇ္ဇတဂ္ဂေ ပါဏုပေတံ ဓမ္မံ သရဏံ ဂစ္ဆာမိ။
ဒုတိယမ္ပိ အဇ္ဇတဂ္ဂေ ပါဏုပေတံ သံဃံ သရဏံ ဂစ္ဆာမိ။
တတိယမ္ပိ အဇ္ဇတဂ္ဂေ ပါဏုပေတံ ဗုဒ္ဓံ သရဏံ ဂစ္ဆာမိ။
တတိယမ္ပိ အဇ္ဇတဂ္ဂေ ပါဏုပေတံ ဓမ္မံ သရဏံ ဂစ္ဆာမိ။
တတိယမ္ပိ အဇ္ဇတဂ္ဂေ ပါဏုပေတံ သံဃံ သရဏံ ဂစ္ဆာမိ။
အစဉ် (၄) ဆောက်တည်ပုံ
(၁) ပါဏာတိပါတာ ဝေရမဏိ သိက္ခာပဒံ သမာဒိယာမိ။
(၂) အဒိန္နာဒါနာ ဝေရမဏိ သိက္ခာပဒံ သမာဒိယာမိ။
(၃) အဗြဟ္မစရိယာ ဝေရမဏိ သိက္ခာပဒံ သမာဒိယာမိ။
(၄) မုသာဝါဒါ ဝေရမဏိ သိက္ခာပဒံ သမာဒိယာမိ။
(၅) သုရာမေရယမဇ္ဇပ္ပမာဒဋ္ဌာနာ ဝေရမဏိ သိက္ခာပဒံ သမာဒိယာမိ။
ရိုးရိုးငါးပါးသီလနဲ့ မတူထူးခြားတာက ကာမေသုမိစ္ဆာစာရာ… ဆိုပြီး ကာမေသုမိစ္ဆာစာရကို ရှောင်ကြဉ်တဲ့နေရာမှာ အဗြဟ္မစရိယာ …လို့ အဗြဟ္မစရိယကို ဖလှယ်ထည့်ပြီး ရှောင်ကြဉ်တာလေးပါ။
ကာမေသုမိစ္ဆာစာရ ဆိုတာ ကာမပိုင် မဟုတ်တဲ့သူတွေန့ အတူနေတာ၊ အဗြဟ္မစရိယ က ကာမပိုင်နဲ့ဖြစ်ဖြစ် ကာမပိုင် မဟုတ်တဲ့သူတွေနဲ့ပဲ ဖြစ်ဖြစ် အတူနေထိုင်တာ အားလုံးကို ဆိုလိုပါတယ်။ ကာမေသုမိစ္ဆာစာရကို ရှောင်ကြဉ်မယ်ဆိုရင် ကာမပိုင်နဲ့အတူနေလို့ရသေးတယ်၊ အဗြဟ္မစရိယကို ရှောင်ကြဉ်တာက ကာမပိုင်နဲ့ကို အတူမနေဘဲ ရှောင်ကြဉ်တာပါ။
အနာဂါမ် ရဟန္တာ သူတော်ကောင်းကြီးတွေ စောင့်ထိန်းမှု အကျင့်တစ်ခုဖြစ်လို့ အကျိုးထူး ရစေနိုင်ပါတယ်။
ကဿပဘုရားရှင် လက်ထက်တုန်းက ကိကီဆိုတဲ့ ဘုရင်ကြီးတစ်ပါးရှိတယ်။ အဲဒီဘုရင်ကြီးမှာ သမီးတော် (၇)ယောက် ရှိတယ်။ ၁-သမဏမင်းသမီး၊ ၂- သမဏဂုတ္တာမင်းသမီး၊ ၃- ဘိက္ခုနီမင်းသမီး၊ ၄-ဘိက္ခုဒါမင်းသမီး၊ ၅-ဓမ္မာမင်းသမီး၊ ၆-သုဓမ္မာမင်းသမီး၊ ၇-သံဃဒါသီမင်းသမီး ဆိုတဲ့ နာမည်တွေနဲ့ပေါ့။ အဲဒီ မင်းသမီး(၇)ယောက်ဟာ ဒီကောမာရိဗြဟ္မစရိယကို ဆောက်တည်ကျင့်သုံးခဲ့တဲ့အတွက် ဂေါတမဘုရားရှင် လက်ထက်ရောက်တော့ ၁-ခေမာထေရီ၊ ၂-ဥပ္ပလ၀ဏ်ထေရီ၊ ၃-ပဋာစာရီထေရီ၊ ၄-ဂေါတမီထေရီ၊ ၅-ကုဏ္ဍလကေသာထေရီ၊ ၆-ဓမ္မဒိန္နာထေရီ၊ ၇-၀ိသာခါထေရီ (ကျောင်းအမကြီးဝိသာခါ) ဆိုပြီး သာသနာတော်ကြီးအတွင်းမှာ ဂုဏ်သတင်းကျော်ကြား ထင်ရှားတဲ့ သာသနာ့ဇာနည် အမျိုးသမီးတွေ ဖြစ်လာခဲ့ကြပါတယ်။ ဒါကို အတုယူပြီး အိမ်ရာမထောင်ရသေးတဲ့ အပျိုလူပျိုအရွယ်တွေ ကျောင်းသားကျောင်းသူအရွယ်တွေဟာ ဒီကောမာရဗြဟ္မစရိယ/ကောမာရိဗြဟ္မစရိယကို ကျင့်သုံးသင့်ပါတယ်။ ကာမပိုင်မရှိသေးတဲ့ အချိန်မှာ စောင့်ထိန်းဖို့ရာ ၀န်တာမလေးဘဲ အကျိုးထူးလည်း ရရှိနိုင်တာမို့ ငါးပါးသီလကို အထူးအဆန်းလေးလုပ်ပြီး ကျင့်သုံးကြည့်ဖို့ရာ အကြံပြုတိုက်တွန်းလိုက်မိခြင်းပါ။
လောကကြီးသာယာချမ်းမြေ့ပါစေ
စိတ်ကောင်းယှဉ်ရာ စေတနာဖြင့်
အရှင်အာလောကာနန္ဒ
စိတ်ကောင်းယှဉ်ရာ စေတနာဖြင့်
အရှင်အာလောကာနန္ဒ
